港女狗遊遊

應該仲趕得切架><

要去快d去啦~一年一度既陽明山採海芋季就快完啦~

聽說只是每年的4-5月可以看到海芋~~要把握時間啦~~

我諗陽明山大家都有聽過啦~除左覺得好遠同埋睇夜景之外~

原來佢4-5月期間係有得採海芋架~

可以親手採海芋真係一個唔錯既體驗~~

我上星期(5月頭)去都仲有好多~~

要去採海芋的地點就在陽明山上的竹子湖 (因為陽明山好大架)

我乘搭的交通工具係在士林站乘111巴士到陽明山停車場

之後再行去遊客服務中心出面搭108號巴士到竹子湖派出所落車

落車之後再行過去採海芋的地方大約15分鐘。

而途中都有一些步道係比較輕鬆~~

大家都可以去行下

這是我沿途在附近的步道所拍下的~風景很美

地方好空曠

當你見到呢個湖田橋，就係呢度行入去~

沿水車寮步道進入

行左大約5-10分鐘就會先見到呢片黃色葉海...

我冇研究~唔知係咩植物~但影出黎都幾靚

之後行多5分鐘度~

就會見到一片海芋花海啦~~~

咁就要比入場費的~

入場費每人NT$50~

仲可以在場內採海芋~

每採一支就NT$10

覺得好貼心既係~場內有膠版讓遊客踩在上面~

不會弄污鞋子~

正常既海芋其實係白色的~

不過為左貪靚

所以店家推出了一些染色的海芋~

染色的如圖中的橙色、黃色等等，仲有藍色、紫色和紅色

要採海芋都有小技巧架

因為海芋個根係好長~

所以要從佢底部用力拔起~

好似我朋友就因為唔夠低所以唔能夠成支海芋完整咁拔出~

總之就愈低愈好啦

採完海芋~

店家會比個長膠袋並加D水去裝住~

方便帶番屋企

再行上小小會見到一個繡球花的農場

入場一樣會比入場費

不過入場費要NT$100，所以我就冇入到去啦~

今次採海芋既經驗真係幾好玩~

最緊要係可以瘋狂咁影相呀！

加上係季節限定，一定要把握機會啦！

延伸閣讀：港女狗遊遊の 5000円窮遊名古屋Vlog Day1 

鍾意我既分享的話記得like & Subscribe我個Channel

同埋like埋我個facebook page啦~

FACEBOOK：港女狗遊遊

YOUTUBE：maggiekei lau

INSTAGRAM：hkwanderlust

PERSONAL INSTAGRAM：maggiekeilau